Ukraina dhe Lituania nënshkruajnë letër qëllimi për prodhimin e përbashkët të mbrojtjes

Ministrat e Mbrojtjes të Ukrainës dhe Lituanisë, Denys Shmyhal dhe Dovilë Sakalienë, kanë nënshkruar një “letër qëllimi” për prodhimin e përbashkët të produkteve të mbrojtjes, me qëllim forcimin e sigurisë së të dy vendeve.

“Së bashku, po përqendrohemi në lansimin e impianteve të prodhimit të përbashkët, veçanërisht për zhvillimin e dronëve me rreze të gjatë veprimi,” tha Kreu i Ministrisë së Mbrojtjes së Ukrainës, Denys Shmyhal.

Ai shtoi se letra përkatëse e qëllimit u nënshkrua në Kiev bashkë me Ministren e Mbrojtjes Kombëtare të Lituanisë, Dovilë Sakalienë.

Palët diskutuan perspektivat specifike për bashkëpunim industrial, duke krijuar mundësi për sipërmarrje të përbashkëta, zgjerimin e kompanive ukrainase në Lituani dhe “ndarjen e teknologjive”.

Gjithashtu, u përqendruan në tërheqjen e fondeve shtesë për prokurimin e armëve dhe zhvillimin e industrisë ukrainase.

Ministri Shmyhal shprehu mirënjohje ndaj Lituanisë për mbështetjen e vazhdueshme dhe të palëkundur ndaj Ukrainës.