Trump nënshkrun urdhër ekzekutiv që godet të dyshuarit për përdhosjen e flamurit amerikan

Presidenti Donald Trump nënshkroi sot një urdhër ekzekutiv që godet të dyshuarit që përdhosin flamurin amerikan, raportoi CNN.

Ky urdhër do t’i udhëzojë prokurorin e përgjithshëm të ndjekë penalisht ata që shkelin ligjin në mënyra që përfshijnë përdhosjen e flamurit dhe të ndërmarrë veprime ligjore në këtë drejtim.

Ai gjithashtu e udhëzon prokurorin e përgjithshëm t’i referojë rastet e përdhosjes së flamurit që shkelin ligjet shtetërore ose lokale autoriteteve përkatëse shtetërore ose lokale.

“Sipas urdhrit, Sekretarët e Shtetit dhe të Sigurisë Kombëtare, si dhe Prokurori i Përgjithshëm, do të duhet të mohojnë, ndalojnë, ndërpresin ose tërheqin vizat, lejet e qëndrimit ose procedurat e natyralizimit, dhe përfitimet e tjera të emigracionit, ose të kërkojnë dëbimin nga Shtetet e Bashkuara, kudo që është përcaktuar se përdhosja e flamurit nga shtetas të huaj justifikon zbatimin e këtyre masave sipas ligjit përkatës,” thuhet në dokument, sipas CNN.