Ronaldo për Messin: Lojtar i mrekullueshëm, magjik 

Cristiano Ronaldo e ka cilësuar Lionel Messin “një lojtar të mrekullueshëm” dhe ka thënë se ai ka një “marrëdhënie të shkëlqyer” me argjentinasin.

Dyshja konsiderohen gjerësisht si dy nga lojtarët më të mirë në historinë e futbollit, dhe ata u përballën në disa raste gjatë kohës së tyre në Spanjë me Real Madridin dhe Barcelonën respektivisht.

Ronaldo u largua nga Real Madridi në vitin 2018 për t’u bashkuar me Juventusin, duke kaluar tre vjet me klubin përpara se të siguronte një rikthim te Manchester United në verën e vitit 2021.

Messi, ndërkohë, u largua nga Barcelona si një transferim i lirë në vitin 2021 përpara se të nënshkruante një kontratë dyvjeçare me Paris Saint-Germain, raporton KosovaPress.

Është shkruar shumë për rivalitetin e supozuar që ekziston mes dy lojtarëve, por Ronaldo e lavdëroi 35-vjeçarin kur u pyet për të gjatë intervistës së tij bombastike me Piers Morgan në “TalkTV”.

“Ai është një lojtar i mrekullueshëm. Magjik. Top. Si person, ne ndajmë skenën 16 vjet. Imagjinoni 16 vjet. Pra, unë kam marrëdhënie të shkëlqyera me të. Unë nuk jam mik i tij, për sa i përket asaj që dua të them si një mik që ishte me ty në shtëpinë tënde ose duke folur në telefon”, tha Ronaldo.

“Jo, por është si një shok skuadre. Ai është një djalë që e respektoj me të vërtetë mënyrën se si flet gjithmonë për mua. Edhe gruaja e tij apo gruaja ime, e dashura ime, ata gjithmonë kanë respekt dhe janë nga Argjentina. E dashura ime është nga Argjentina. Shumë mirë. Çfarë do të them për Messin? Një djalë i madh që bën gjëra të mëdha për futbollin”, shtoi më tej superylli portugez.

Ronaldo është golashënuesi më i mirë në historinë e Ligës së Kampionëve, duke gjetur rrjetën në 140 raste në këtë garë, 11 gola më shumë se Messi, i cili është ende aktiv në Ligën e Kampionëve të këtij sezoni me PSG.