Rama ironizon Berishën që i premtoi fëmijëve rikthimin e TikTok: Gjyshit do t’ia hapim në 12 maj 

Kryeministri Edi Rama ka vijuar me ironitë ndaj kreut të Partisë Demokratike, Sali Berisha, duke reaguar për një deklaratë të këtij të fundit gjatë protestës së djeshme të opozitës.

Gjatë tubimit, Berisha iu drejtua një fëmije të pranishëm, duke i premtuar se më 12 maj “gjyshi do ta hapë TikTok-un”, një deklaratë që menjëherë u bë virale në rrjetet sociale dhe u interpretua si një simbolikë për përpjekjet e tij për t’u rikthyer në skenën politike.

Rama nuk e ka lënë pa koment këtë moment, duke përdorur ironinë në një postim në Facebook, ku i referohet Berishës si “kënetë” dhe u bën thirrje qytetarëve që ta “thajnë” atë përmes votës.

“Thajeni kënetën me votë,” shkruan ai, një referencë e përsëritur që kreu i qeverisë ka përdorur më herët për të sulmuar rivalët politikë.

Debati mes dy liderëve politikë vijon të jetë i ashpër, ndërsa opozita përgatitet për përballjet e ardhshme, duke përfshirë zgjedhjet dhe protestat e paralajmëruara.

Berisha, pavarësisht përballjeve të tij me drejtësinë dhe sfidave brenda partisë, vazhdon të synojë mobilizimin e mbështetësve të tij, ndërsa mazhoranca socialiste kërkon ta paraqesë atë si një figurë të së shkuarës, që duhet lënë pas