Mes lotëve e dhimbjes, përcjellen për në banesën e fundit çifti nga Peja që humbi jetën tragjikisht – Pamje

Dita e premte e kësaj jave rezultoi tragjike për familjen Lajqi nga komuna e Pejës. Dy familjarët e tyre, të rinjtë, Benjamin e Sabina Lajqi humbën jetën tragjikisht, raporton GazetaDemos.

29-vjeçari, Benjamin Lajqi, teksa po udhëtonte me bashkëshorten e tij, 30-vjeçaren, Sabinën, rreth orës 21:20, u aksidentuan rëndë në Rozhajë të Malit të Zi.

Teksa autoritetet atje nuk kanë dalë ende me një raport i cili tregon shkaqet e aksidentit, nga mediat malazeze dhe këto lokale në Kosovë, u bë e ditur se Benjamini pas përplasjes me veturën tjetër, kishte mbetur pa shenja jete në vendin e ngjarjes, teksa bashkëshortja e tij vdiq disa orë më vonë në spitalin ku po trajtohej.

Viktmave sot iu dha lamtumira në varrezat e Ibacit në Rozhajë, ku mes lotëve e dhimbjeve, një numër i madh i të pranishmëve i përcollën për në banesën e fundit.

Pamje: