Largohet trupi i viktimës që u gjet pa shenja jete në lumin Drini i Bardhë (FOTO)

Pasditen e sotme një peshkatar sot ka gjetur trupin e pajetë të një personi në lumin Drini i Bardhë, shkruan GazetaDemos.

Rastin e kanë konfirmuar edhe nga Policia e Kosovës, të cilët njoftuan se vdekjen e viktimës e ka konstatuar edhe mjeku kujdestar i emergjencës.

“Në orët e pasdites një peshkatar gjersa ishte duke peshkuar në lumin Drini i Bardhë në Klinë ka vërejtur një trup të pajetë dhe ka njoftuar Policinë. Policia ka dalë menjëherë në vendngjarje, gjithashtu ekipet e emergjencës, ndërsa mjeku kujdestar ka konstatuar vdekjen e viktimës. Në vend ngjarje kanë dalë edhe edhe zjarrfikësit dhe të gjitha njësitet policore kompetente. Për rastin është njoftuar edhe Prokurori”, tha zëdhënësi i Policisë për rajonin e Pejës, Fadil Gashi.

Ndërkaq, bëhet e ditur se tashmë trupi i pajetë i viktimës është larguar nga vendi i ngjarjes.

Më poshtë mund të shikoni fotografitë: