Kryeministri Kurti prezanton buxhetin e vitit 2023 në Mitrovicë

Kryeministri i Kosovës, Albin Kurti, së bashku me ministrin e Financave, Hekuran Murati dhe bashkëpunëtorë tjerë, kanë prezantuar sot buxhetin për vitin 2023 para qytetarëve të Mitrovicës.

Shefi i ekzekutivit potencoi se buxheti për vitin e ardhshëm do të jetë më i larti ndonjëherë në Kosovë, përkatësisht 3 miliardë e 212 milionë euro, teksa bëri të ditur se ky buxhet i paraparë për këtë Komunë është mbi 25 milionë euro.

Ai ka përmendur edhe investime milionëshe të qeverisë në projekte të ndryshme të rëndësishme për komunën e Mitrovicës, si në arsim, shëndetësi, infrastrukturë etj.