“Gjaku deri n’gju ka do bëhet e s’ka mu bë Republika e jote”, Koci tregon se çka i tha UDB-ashi Januz Loshi në burgun e Nishit

Pas disa muajve torturë dhe keqtrajtim, veprimtari Gani Koci u dënua dhe u dërgua në vuajtje të dënimit prej 15 vjetësh në kohën e ish-Jugosllavisë. Fillimisht ai u burgos në Beograd dhe më pas u transferua në burgun e Nishit.

Koci në një intervistë në “Debat Plus” ka treguar se në vitin 1987, vizitohet nga shqiptarët e UBD-së që torturuan gjatë kohë së hetimeve, Januz Loshi e Bashkim Kursani.

Loshi e kishte pyetur Kocin se a ka ndryshuar, pasi i kishte rreth 6 vjet në burg.

“Më thotë Januz Loshi: ‘A ke ndryshu?’. I thash; Po Jonuz qysh s’kam ndryshuar’. Më pyeti: ‘A ke ndryshu për mirë a për keq?’. Thash: Për mirë Januz kom ndryshu.

“Ato ide të 81-shes si ki ma”, më pyeti. Jo bre i ri jom kanë atëherë e s’kom dit, e tash i kom ba do vjet…tash ato ide janë pjek, janë forcu e atëherë janë kanë të zbehta se kam qenë i ri dhe a pe sheh ndryshimin, po bajë syza… Më tha: ‘D.m.th. ti s’ke ndryshu ‘a. I thash: Jo jo, s’kom ndryshu qysh po mendon ti”.

Loshi e sheh që edhe pas 6 vjetësh në burg e torturave, Kocit nuk i kishe ndryshuar bindja për liri e pavarësi të Kosovës.

“Gjaku deri në gju ka mu bo e s’ka mu bo Republika e jote”, kishte thënë Loshi, sipas Kocit.

“Po të betohem Gani Koci se pa të komprometuar se la”, e kishte kërcënuar përsëri Loshi.

“Kam me të lëshu pas 1 muaji, dhe lë më që shokët dhe dashamirët që i ki që s’kanë me të fol po as të shpis tane s’kanë me të fol ma”, i kishte thënë më tej Loshi.