“Donika Gërvalla është turpi i babait e i familjes së vet”, Nasim Haradinaj i reagon ashpër ministres

Ish-ushtrai i Ushtrisë Çlirimtare të Kosovës, Nasim Haradinaj ka komentuar fyerjet e ministres Donika Gërvalla ndaj familjes Haradinaj, shkruan GazetaDemos.

Ai tha se Gërvallën e njeh që moti, teksa kujton se ishte në parafillore, ndërkaq e krahason me yjet e Hollywood-it, pasi sipas tij, këto deklarata po i bënë për vëmendje.

“Unë Donika Gërvallën e njoh qysh fëmijë, qysh parashkollorë, dhe Donika Gërvalla nuk është hera e parë që po del me kësi deklarata, sa që mua po më vjen keq që janë disa artiste të Holliwood-it, kur nuk mund të kenë një rol si artist, atëherë bëjnë skandale seksuale që vetëm me dal në pah”, tha Haradinaj.

Haradinaj shton se më deklaratat e saj, ajo ka turpëruar babain e saj, Jusufin, e madje e konsideron si klon të Hajrie Spikericës.

“Unë mendoj që Donika Gërvalla në ditën kur është deklaru në këtë mënyrë, ajo së pari e ka turpëru babën e vet, Donika Gërvalla po dëshmon qe dita ditës është një klonim i Hajrie Spikericës dhe më vjen shumë keq që kanjushën e bardhë e Jusuf Gërvallës, ajo është shndërru në një kanjush të zezë e cila është turpi i babës së saj dhe familjes së saj”, shtoi Haradinaj.