Shukri Buja merr mbështetje nga Janjeva: Kjo mbështetje na motivon për ta sjell ndryshimin në Lipjan

Kandidati i Partisë Demokratike të Kosovës për kryetar të komunës së Lipjanit, Shkuri Buja, së bashku me dy kandidatët e tyre për Kuvend Komunal, janë takuar me banorët e fshatit Janjevë.

Përveç mirëpritjes së ngrohtë, Buja dhe ekipi i tij morën mbështetje të madhe, ku përveç tjerash gjetën rastin të flasin për sfidar e përditshme.

“Së bashku me Majlinden dhe Vilsonin, kandidatët tanë për Kuvendin Komunal nga Janjeva, u takuam me vajzat dhe gratë e këtij lokaliteti. Bashkë diskutuam hapur për sfidat që ato përballen çdo ditë, si dhe për mundësitë që Komuna duhet t’u ofrojë për rritjen e mirëqenies dhe zhvillimin e tyre”, tha Buja.

I njëjti riktheksoi se Lipjani dhe fshatrat e tij kanë nevojë për ndryshim.

“Nga ky takim u konfirmua mbështetja e fuqishme për ekipin tonë dhe për vizionin tim politik, një mbështetje që na motivon edhe më shumë për ta sjellë ndryshimin që Janjeva dhe Lipjani e meritojnë”, përfundoi ai.