Nis asfaltimi në zonën e Rekës së Keqe në Gjakovë

Kryetari i Komunës së Gjakovës, Ardian Gjini ditën e sotme ka dhënë një lajm të mirë për qytetarët e kësaj komune.

Gjini ka njoftuar se ka nisur asfaltimi në zonën e Rekës së Keqe, ku në këtë rrugë kanë akses disa fshatra.

”Sot nisëm punimet në asfaltimin edhe në zonën e Rekës së Keqe, duke i dhënë jetë një projekti të ri që përfshin 1,073 metra shtrirje në pesë akse të disa fshatrave të kësaj ane, me një investim prej 94,153.55 €.” ka shkruar ai.