Fitoj zgjedhjet, humbi Lojën: Opozita është terapia e duhur për LVV

Shkruan: Shenoll Muharremi

LVV, pas 51 tentimeve, e ka humbë jo vetëm të drejtën morale, por edhe atë reale me e zgjedh Kryetarin e Kuvendit. E ka konsumu aq shumë këtë të drejt, sa tashmë është kristal pastër që nuk po arrin me formu shumicën parlamentare. Nuk i ka votat.

I kanë fitu zgjedhjet, kanë dalë partia e parë por me strategji të gabuar, e kanë humbë lojën. I kanë humbë krejt partnerët me qasjen e tyne armiqësore, përçmuese, e tash nuk po munden me formu shumicën. Prandaj bllokada.

Dhe kjo situatë nuk ka me ndryshu as për vite. LVV duhet me pranu që e ka humbë lojën vetë, me gabimet e veta. Edhe pas zgjedhjeve të ardhshme të jashtëzakonshme, gjasat janë që prapë nuk kanë me mujt me ndërtu shumicë.

Pra, jemi në një moment ku duhet me pranu që koncepti ‘o krejt, o asgjë’ ka dështu. E tash, në këtë sistuatë, rruga është vetëm opozita. Edhe Hashim Thaçi e Isa Mustafa kanë shku. Pozita e kryeministrit nuk është pronë e përjetshme. Edhe Bill Clinton e Tony Blair kanë shku.

Nuk duhet me tentu me mbet në pushtet me çdo kusht. Me blloku vendin e me kriju pasoja të pariparueshme. Në demokraci, pushteti lëshohet, rotacioni ndodh, është krejt normale.

Nëse don me e ruajt partinë, me pas vend edhe në të ardhmën, lëshoje pushtetin, mëso, reformohu për betejat që vijnë.

Strategjia ‘O Krejt, O Asgjë’ doli asgjë kësaj radhe. LVV ka nevojë për pushim, në opozitë, për me u reformu dhe me u kthy me një platformë të re që nuk përmandë përcarje, polarizime të skajshme dhe ku ofrohen zgjidhje për sfidat kryesore.

Me çasjen aktuale, LVV edhe 100 vjet nuk mundet me ardh në pushtet se nuk mundet me i fitu “KREJT” më se partia është në trendin e tkurrjes dhe në rrugëtimin drejt rajonit 20%-25%.