Raportohet se druzët e kanë ngritur flamurin e Izraelit në qytetin Sweida të Sirisë

Në një video të publikuar në rrjete sociale, shihet një flamur izraelit që po vendosej në kulmin e një ndërtese në qytetin jugor sirian, Sëeida, sipas mediave izraelite.

Në videon e shkurtër të publikuar në rrjetin X, dy burra shihen duke e vendosur flamurin izraelit në një shtizë.

Sweida u bë në fundjavë arenë e përleshjeve mes luftëtarëve të komunitetit pakicë Druze dhe luftëtarëve beduinë.

Qeveria siriane ka dërguar forca të sigurisë për ta qetësuar situatën, por disa pjesëtarë të tyre janë vrarë gjatë përleshjeve.

Izraeli i ka paralajmëruar autoritetet siriane që “t’i lënë druzët vetëm” dhe ka kryer sulme ajrore, duke i justifikuar ato me mbrojtjen e këtij komuniteti.