26-vjetori i masakrës, organizohen homazhe në Burgun e Dubravës

Të enjten nga ora 11:00 do të bëhen homazhe në Burgun e Dubravës, shkruan GazetaDemos.

Sipas një komunikate për media, njoftohen të gjithë ish të burgosurit, familjarët e të vrarëve dhe të mbijetuarve të masakrës së Dubravës, se të enjten bëhen homazhe në nderim të 118 të burgosurve të vrarëve, mbi 300 tjerë të plagosurve dhe të mbijetuarve të masakrës në Burgun e Dubravës, e cila ka ndodhur 26 vjet më pare.

“Hyrja në hapësirën e Burgut të Dubravës do të fillojë nga ora 10:30”, thuhet tutje në komunikatë.