Vjosa Berisha flet për betejën me kancerin: Jam ende në terapi dhe pastaj do të shohim efektin

Regjisorja Vjosa Berisha muaj më parë foli për luftën e saj me sëmundjen e kancerit.

Nëpër intervista ajo tregoi se po mundohet që ta fitojë këtë betejë me sa më shumq pozitivitet, shkruan Reporteri.net.

Berisha në llogarinë e saj në Instagram ka marrë disa pyetje, derisa ka folur edhe për sëmundjen në të cilën po kalon.

Ajo ka zbuluar se sëmundjen e kancerit e ka në vezore, dhe se momentalisht është në terapi, dhe po pret sa t’i mbarojë për të parë rezultatin.

“Mendoj që sfida më e madhe është të bindësh veten që kanceri nuk është sëmundja më e keqe dhe në ditët e sotme ka më shumë raste që shërohen sesa që dështojnë. Në momentin që fillon të mëndosh kështu, pozitiviteti dhe fuqia për ta luftuar vijnë me të. Këshilla më e mirë është që asnjëherë të mos kërkosh në Google sa i përket kancerit dhe të shmangësh njohurinë e internetit sepse miliona lunatikë [të çmendur] ndajnë informacion aty” – është shprehur mes tjerash Vjosa.

Vjosa gjithashtu ka falenderuar familjen e saj dhe njerëzit e afërt që i kanë qëndruar pranë në këtë periudhë aspak të lehtë për të