Detaje nga aksidenti me fatalitet në Klinë, viktima ishte rreth 60 vjeç -publikohen edhe pamje

Sot rreth orës 19:15 ka ndodhur një aksident trafiku në rrugën Gllarevë – Përqevë, ku të përfshira ishin një veturë dhe një kombibus, shkruan GazetaDemos.

Pas aksidentit veturat janë kapluar nga flakët ku një person mbeti brenda, deri sa nuk dihej nëse ishte gjallë.

Lajmin për Gazetën Demos e ka konfirmuar zëdhënësi i policisë për rajonin e Pejës, Fadil Gashi.

Ndërkaq, pas intervenimit të policisë, mjeku kujdestar ka konfirmuar që personi që mbeti i ngujuar, ka vdekur.

Ndërkaq, më vonë u bë e ditur se viktima ishte nga fshati Gllarevë dhe i përkiste moshës rreth 60 vjeç.

“Personi i cili kishte mbetur i bllokuar në makinë e cila ishte përfshirë nga flakët bashkë me kombibusin ka vdekur. Vdekjen e tij e ka konfirmuar mjeku kujdestar”, tha Gashi për Demos.

Nga vendi i ngjarjes janë publikuar edhe pamje teksa shihen veturat duke u djegur.