Kurti: Pasaporta e Kosovës po vazhdon të fuqizohet, progres brenda vendit – afirmim jashtë vendit

Kryeministi i Kosovës, Albin Kurti, ka mirëpritur heqjen e vizave nga Tajlanda për qytetarët e Kosovës. Ministrja e Punëve të Jashtme, Punës dhe Diasporës (MPJD), Donika Gërvalla, njoftoi të martën mbrëma se Tajlanda i ka hequr vizat për qytetarët e Kosovës.

Kryeministri i Kosovës, Albin Kurti, ka thënë se “Pasaporta e Republikës sonë po vazhdon të fuqizohet përherë e më shumë”.

“Tajlanda i shtohet listës së gjatë të shteteve në të cilat qytetarët tanë nga ky vit mund të udhëtojnë pa viza. Zhvillim e progres brenda vendit. Dinjitet e afirmim jashtë vendit”, shkroi Kurti.