Lëndohet një punëtor në fabrikën e zinkut në Shtime, dërgohet në QKUK

Një punëtor ka pësuar lëndime në fabrikën e zinkut në Shtime.

I njëjti pas ndihmës së parë për shkak të lëndimeve të rënda është dërguar në Qendren Klinike dhe Universitare të Kosovës.

Lajmi u konfirmua për Klankosova nga drejtori i Qendres Emergjente Naser Syla.

Syla tha se gjendja e tij është stabile.

“Po ka qenë tek ne, është trajtuar. Ka pësuar lëndime në ekstremitetin e poshtëm të majtë. Pas ofrimit të trajtimit nga ne gjendja e tij është stabile. Është transferuar për operim në një spital privat”, tha Syla.

Ende nuk dihet se si ka ardhur deri tek lëndimi.